Iung pơma pơtôch hop akŏm, Thủ tướng Phạm Minh Chính hôn bơnê rim nơ̆r tơgop tôch trŏ lăp, hơnăp jang păng trŏ ƀlep hăm yan ou kơ rim kơdră tang măt găh rim tơdrong hơmet ming bơ̆ jang. Hăm kơrŭn đĭ ai, iung jang kơtang, jơnei Thủ tướng athei rim hơnih tơm, hơnih bơ̆ jang, tơring, rim kơdră  jang lơ̆m Hơnih chĕp pơgơ̆r atŏk kơtang jơhngơ̆m đon jang tơnăp, hơnơ̆ng “vei kơjăp jơhngơ̆m pran”, tơlĕch jang kiơ̆ hloi rim tơdrong jang, trong iung jang atŏk kơtang hơmet ming bơ̆ jang mă ‘lơ̆ng, hơnhăk đei iŏk yoa hơdăh, hơlen mă brĕ, pơm tơjur kon jên jang ăn kon pơlei păng hơnih mơdro sa, atŏk kơtang jơhngơ̆m pran pơjei tơmam drăm păng tơdrong jang mŭk drăm, tơgop pơtrŭt kơtang jang keh đang trong tơlĕch jang, tơdrong jang atŏk tơ iung mŭk drăm-tơpôl sơnăm 2024 păng rim sơnăm đơ̆ng rŏng.