Đei hloh 700 ‘nu bơngai tang măt vang năm, lơ̆m ou đei lơ bơngai tang măt teh đak đe đơ̆ng Hơnih jang chehphe apŭng plĕnh teh - ICO, rim bơngai tĕch mơdro dih băl rim teh đak: Anh, Đức, Nhật Bản, Mi, Úc, Singapore, Hàn Quốc, Trung Quốc, Brazil….Hop akŏm hlôi akŏm pơma dơnuh găh tơdrong chehphe, nhen: Tơdrong tĕch răt chehphe lơ̆m apŭng plĕnh teh, trong iŏk yua chehphe; Rim tơdrong pơkăp ‘lơ̆ng, tơdrong tơchơ̆t hăm tơring pơtăm chehphe ... Atŭm hăm ‘noh, rim bơngai tang măt pơma dơnuh găh hơnăp jang hơnih mơdro sa lơ̆m pơm hơtŏk ‘lơ̆ng chehphe Việt Nam păng tơ iung pơjing hơnăn chehphe Buôn Ma Thuột - hơnih truh chehphe apŭng plĕnh teh; Tơdrong tĕch mơdro chehphe tơ̆ teh đak đe, hơlen hơdăh găh tĕch răt chehphe păng trong găn ga tĕch răt chehphe lơ̆m apŭng plĕnh teh hrei ou, pơchoh trong ăn tĕch mơdro ăn hơnih jang chehphe Việt Nam.