Tơring Á – Âu ‘noh jing tơring tĕch mơdro joăt joe kơ Việt Nam păng hrei au đei lăng jing tơring tĕch mơdro ‘lơ̆ng hơ iă hloh. ‘Nau jĭ tơring đei 28 teh đak, đơ̆ng Đông Âu truh tơ̆ Trung Á, măt bơngai kon pơlei 400 triu ‘nu păng akŏp GDP vă jê̆ 4.500 ti USD.

9 khei sơnăm 2023, tơdrong tĕch mơdro dih băl ƀar păh Việt Nam hăm rim teh đak tơring Á – Âu iŏk đei 9 ti USD. Lơ̆m au Việt Nam tĕch mơdro tơmam drăm tơ̆ tơring au iŏk đei hloh 6 ti USD; răt tơmơ̆t vă jê̆ 3 ti USD. Hơnih tơm vei lăng Mơdro sa hăm hơnăp jang ‘nŏh hơnih pơm tơm rim tơdrong jang hơdoi mŭk drăm-mơdro sa dih băl păng lơ pang tơ̆ Tơring Á Âu, gô hơnơ̆ng iung jang hơdoi hăm rim hơnih bơ̆ jang, yak hơdoi hăm khul mơdro sa băt hơdăh păng pơgĕnh dôm tơdrong rơvơn jang hơdoi ‘nao, hơmet pơ ‘lơ̆ng tơnap tap, tơhlăk tơhlĭn vă pơtrŭt kơtang tơdrong jang mơdro sa păng tơmơ̆t jên jang.