Lơ̆m khei năr mŭk drăm-tơpôl tơƀơ̆p tơnap tap nhen hrei au, Hop akŏm đei hơmŏ gô atŏk kơtang jơhngơ̆m đon hơgei, kơrŭn đĭ jơhngơ̆m, iung jang đĭ ai đơ̆ng kơhrĕng ‘nu bơngai joăt jang, bơngai khoa hŏk, hơnih mơdro sa lơ̆m teh đak păng teh đak đe atŭm hăm kơdră tang măt Kuô̆k hô̆i..."pơchoh trong” rim trong bơ̆ jang vă atŏk kơtang kĕ jang kơdih, pơjing jơhngơ̆m pran ăn atŏk păng atŏk tơ iung kơjăp.

Hop akŏm jing jơ ‘năr vă lăng dơ̆ng, hơlen dơ̆ng đĭ đăng tơdrong lơ̆m apŭng plĕnh teh păng lơ̆m teh đak, mă hơdăh ‘nŏh dôm tơdrong jang tim mă gan gơ̆h, tơdrong tơnap tap, tơhlăk tơhlĭn, đơ̆ng noh tơlĕch trong jang vă trŏ lăp hăm khei năr hle, pơjing đei jơhngơ̆m pran ăn atŏk păng atŏk tơ iung kơjăp. Hop akŏmn jei vă tơƀôh tơbăt nơ̆r tơbăt ăn đơ̆ng: Kuô̆k hô̆i, Khul kơdră teh đak, rim hơnih bơ̆ jang teh đak ling lang yak hơdoi hăm rim hơnih mơdro sa vă jang kiơ̆ rim trong tơlĕch jang hơmet pơ ‘lơ̆ng atŏk păng dôm tơdrong tơhlăk lơ̆m mơdro sa vă jang keh đang rim trong tơlĕch jang lơ̆m atŏk tơ iung mŭk drăm - Tơpôl.