Trung tướng Thái Đại Ngọc, Bơngai jang lơ̆m Trung ương Đảng, yŏng pơgơ̆r khŭl lĭnh Quân khu 5 lăng ‘lơ̆ng, pôk pơ ư dôm tơdrong jang pơjei băl pôk hơpăh, pơjei băl khŏm jơnei đơ̆ng khŭl lĭnh Đắk Lắk lơ̆m 5 sơnăm âu ki.

Trung tướng Thái Đại Ngọc akhan, dôm sơnăm truh, tơdrong apŭng plĕnh teh, tơring tơdra hơdrol gô hơnơ̆ng đei ƀôh krê hơmơt, ưh kơ ê, lơ̆m hơnih Quân khu, mă loi ‘noh jĭ tơring Tây Nguyên oei jing 1 lơ̆m dôm tơdrong tơm hơmơt ưh kơ sơđơ̆ng, ‘meh vă, hơnăp jang vei lăng teh đak lơ̆m tơdrong ‘nao tơlĕch ăn roi ‘năr roi lơ. Kiơ̆ đơ̆ng noh, Anih tơm pơgơ̆r khŭl lĭnh Quân khu athei Anih jang Đảng - Jơnŭm pơlong pơjei pôk hơpăh, Anih tơm pơgơ̆r khŭl lĭnh dêh char Đắk Lắk akŏm chĕp kơ̆l, pơgơ̆r bơ̆jang kiơ̆ ‘lơ̆ng dôm tơdrong tơm kăl.