Roi tơbăt tơ̆ Hop akŏm ăn ƀôh, 5 sơnăm âu ki, tơdrong jang pơjei băl khŏm jơnei hlôi hơtŏk ‘lơ̆ng đei yua, hơnăp jang tơm đơ̆ng khŭl lĭnh dêh char Kon Tum lơ̆m bơ̆jang kiơ̆ hơnăp jang khŭl lĭnh, pơjing tơring tang găn kơjăp. Kang ƀô̆, khŭl lĭnh dêh char hlôi tơgŭm kon pơlei hloh 19.000 năr jang, pơm 90 tŏ hnam ‘mêm mơnat, hnam tơgoăt tơgoăl, hnam bôl buăl hăm akŏp kơsô̆ jên vă jê̆ 6 ti hlak jên...

Tơ̆ hop akŏm, nơ̆r pơma đơ̆ng 7 khŭl grŭp, rim bơngai jang hơgei păng dôm nơ̆r pơma pơgơ̆r đĭ jơhngơ̆m, gĭt kăl đơ̆ng Anih jang Đảng dêh char Kon Tum, đơ̆ng Anih tơm pơgơ̆r khŭl lĭnh Quân khu 5 hlôi pơm rơđăh jơhngơ̆m đon tơgoăt tơgoăl, pơcheh hơgei, hơdrin jang đang hơgei hloh hơnăp jang đơ̆ng kang ƀô̆, khŭl lĭnh dêh char. Hop akŏm pôk pơ ư 33 khŭl grŭp, 57 ‘nu bơngai jang hơgei.