Tơ̆ Hop akŏm, ƀok Đỗ Văn Chiến, Bí thư Trung ương Đảng, Kơdră Anih Trung ương Mặt trận Tổ quốc Việt Nam, Phŏ Kơdră Anih vei lăng tơdrong pơjei pôk hơpăh Trung ương pôk pơ ư păng pơma hơdăh, tơdrong iŏk đei đơ̆ng pơjei băl kơ 5 plt vang tơgop gĭt kăl ăn tơdrong jang atŏk tơiung mŭk drăm – tơpôl lơ̆m teh đak.

Pơma hơdăh, sơnăm 2024 jĭ sơnăm tôch gĭt kăl, jang tŏk hrĕnh vă gơ̆h jang kĕh dôm tơdrong jang tơm găh mŭk drăm, tơpôl đơ̆ng Hop akŏm mă 13 kơ Đảng păng Trong jang mŭk drăm gĭt kăl 5 sơnăm đơ̆ng 2021-2025 păng Tơdrong Tơchơ̆t đơ̆ng Hop akŏm Đảng dôm tơring tơlĕch. Yoa thoi noh, dôm tơring athei ‘moi kiơ̆ trong jang tơm đơ̆ng khul kơdră teh đak lơ̆m sơnăm 2024 vă chih hơdăh trong pơgơ̆r jang tơ̆ rim plt, tơlĕch tơdrong pơjei băl ‘mêm kơ teh đak tơ̆ jơ̆p tơring, pơlung kon pơlei, dom anih tĕch mơdro hơmet pơ ‘lơ̆ng pơmat tat,adrin jang đang dôm tơdrong jang đei tơlĕch đơ̆ng khei blŭng, jăl khei mă blŭng kơ sơnăm.