Truh dang ei, lơ̆m teh đak đei 31.364 Hơp tak xah, 133 jơnŭm hơp tak xah păng 120.983 khul jang hơdoi. Dôm sơnăm au ki, rim Hơp tak xah atŏk tơ iung kơtang găh lơ tơdrong jang păng tơdrong bơ̆ jang ‘lơ̆ng hloh dơ̆ng tơgŭm djru rim bơngai lơ̆m khul, pơjing đei tơdrong jang păng atŏk jang sa iŏk yua kơjăp ăn bơngai jang. Mă lei, ‘ngoăih găh kon jên bơ̆ jang, rim hơp tak xah hrei au oei tŏk bŏk hơmet pơ ‘lơ̆ng găh khul jang…

Kiơ̆ đơ̆ng rim bơngai tang măt, pơtho pơjing khul jang hơgei lơ̆m tơdrong jang hơp tak xah ‘noh tơdrong kăl hloh, ‘noh mĭnh lơ̆m dôm khul đei Teh đak tơgŭm djru, tơƀôh hơdăh lơ̆m Khôi luơ̆t Hơp tak xah sơnăm 2023. Lơ̆m khei năr hrei au, kăl lăng hơlen kơtang trong bơ̆ jang, trong tơgŭm djru păng đei trong jang jơnei păng hơ iă tơpă lơ̆m pơtho pơjing khul bơ̆ jang kơ tơdrong jang mŭk drăm tơpôl, hơp tak xah.