Iung pơma pơgơ̆r blŭng a hop akom, Thủ tướng Teh đak Phạm Minh Chính athei hop akŏm hơlen hơdăh bơ̆ jang chĕp pơgơ̆r, pơrô̆ jang đơ̆ng Khul kơdră teh đak lơ̆m sơnăm 2023 hlôi ƀlep, hlôi tôm păng tam mă trŏ lăp ưh? Tơdrong hle lơ̆m chĕp pơgơ̆r, pơrô̆ jang sơnăm 2023 ‘nŏh yă kiơ? Kiơ̆ yan au, rim hơnih bơ̆ jang, rim tơring hlôi băt hơdăh tơdrong păng đei tơlĕch jang tơtom, trŏ lăp, jơnei ưh ...

Pơma truh tơdrong atŏk tơ iung Mŭk drăm-tơpôl sơnăm 2023, Thủ tướng pơma hơdăh, tơdrong jang Mŭk drăm-Tơpôl sơnăm 2023 hơnơ̆ng kiơ̆ trong hơmet pơ ‘lơ̆ng hơ iă, khei đơ̆ng rŏng ‘lơ̆ng hlŏh khei hơdrol, jăl đơ̆ng rŏng ‘lơ̆ng hlŏh jăl hơdrol, bơ̆n hlôi iŏk đei trong tơlĕch jang ‘noh sơđơ̆ng mŭk drăm, tang găn kĕ tơdrong jên ưh kơ sa, pơtrŭt kơtang tŏk kơtang, sơđơ̆ng tơdrong jang sa tơpôl,  hơrih sa kon pơlei đei hơmet pơ ‘lơ̆ng ... Pơchoh trong ăn hơlen dôm tơdrong jang tim mă lăp, tim mă ‘lơ̆ng, tơnap tap, tơdrong long, Thủ tướng pơma hơdăh, kăl pơm hơdăh dơ̆ng tơdrong pơm ăn păng tơlĕch trong vă jang mă hơdăh hăm 5 trong tơlĕch jang iung jang tim mă keh đang ... vă đei trong jang ‘lơ̆ng hơ iă ăn sơnăm 2024 jang kiơ̆ jơnei keh kong dôm tơdrong jang tơlĕch ăn.