Vang năm Hop akŏm pơtôch Khôi luơ̆t Sih kuan Ƀô̆ đô̆i kon pơlei Việt Nam, rim kơdră tang măt sơkơ̆t hơdăh, dôm tơdrong trŏ lăp, trong jang ‘lơ̆ng đơ̆ng pơđĭ khul ƀô̆ đô̆i lơ̆m jang kiơ̆ Khôi luơ̆t Sih kuan Ƀô̆ đô̆i kon pơlei Việt Nam sơnăm 1999.

Hloh 10 sơnăm jang kiơ̆ Khôi luơ̆t hlôi pơjing đei trong pơkăp tơ iung pơjing khul sih kuan pran kơjăp iăp kơtang, bơ̆ jang gơ̆h hơgei, pơm trong tơm ăn tơ iung pơjing Khul Ƀô̆ đô̆i kon pơlei gơ̆h hơgei, hơbĕch hơbal, nuih mơng pran kơtang, tơ iung pơjing păng vei lăng pran kơjăp iăp kơtang ăn Teh đak Việt Nam xã hội chủ nghĩa. Pơma pơtôch hop akŏm, Đại tướng Phan Văn Giang pơma hơdăh: Bơ̆ jang pơchoh trong tơ iung pơjing rim hla bơar pơkăp tim mă trŏ lăp jơ ‘năr. Tơchơ̆t kơchư̆k, grat kơ sih kuan tơ̆ mĭnh ƀar hơnih tim gan ƀlep. Tơdrong jang kiơ̆ khôi luơ̆t sih kuan hrei au oei đei mĭnh ƀar tơdrong tơhlăk tơhlĭn, kơ yuơ trong bơ̆ jang Khul ƀô̆ đô̆i đei lơ tơplih, hlôi đei hơmet ming kiơ̆ trong kơtoei, gơ̆h hơgei, pran kơtang.