Kiơ̆ tơbăt, sơnăm 2022 păng 9 khei sơnăm 2023, akŏp kon jên pơtrŭt jang teh đak hlôi tơlĕch jang kơ 15 dêh char Tơring Tŏk bŏk-Tây Nguyên ‘noh 115 ti hlak jên. Lơ̆m au kon jên jang pơtrŭt jang teh đak tơmơ̆t dơ̆ng ăn rim dêh char ‘noh hloh 56 ti hlak jên, pă dôm yơ ‘noh kon jên kơdih dêh char.

Kiơ̆ đơ̆ng Hơnih vei lăng Mơdro sa tơring găh Hơnih tơm vei lăng Mơdro sa hơlen, tơdrong jang pơtrŭt jang teh đak kơ 15 dêh char tơring Tŏk bŏk-Tây Nguyên đei tơlĕch jang lơ trong, iung jang ‘lơ̆ng dôm tơdrong jang đei kơ tơring. Vă jang keh đang trong pơprŏ jang pơtrŭt jang teh đak kơ rim dêh char păng lơ̆m tơring lơ̆m dôm khei vă đĭ sơnăm 2023, rim dêh char kăl akŏm mĭnh ƀar tơdrong jang kăl nhen: dăr lăng hơlen, pơrô̆ iung jang kiơ̆ rim trong tơlĕch ăn pơtrŭt jang teh đak tơlĕch jang ƀlep trong tơlĕch ăn; atŏk kơtang pơtho tơbăt, dăr lăng păng tơtom hơmet pơ-‘lơ̆ng tơhlăk tơhlin lơ̆m tơlĕch jang kiơ̆ rim tơdrong vă jang.