Dôm sơnăm au ki, mĭnh ƀar dêh char lơ̆m tơring tơmăn đak kroong Hồng hlôi tơplih kơtang, đei jing hơnih hơdăh ang rang ‘lơ̆ng lơ̆m tơring păng lơ̆m teh đak.

Hơnih mơdro sa atŏk tơ iung ‘lơ̆ng hăm trong atŏk kơtang kơ rim trong mơdro sa hle nhen mơdro sa điên tư, rim siêu thị, hơnih tơm mơdro sa, tĕch mơdro, tơgop pơm tơplih hơ iă tơdrong mơdro sa kơ tơring păng lơ̆m teh đak. Sơnăm 2023, tĕch răt hăm teh đak đe lơ̆m tơring iŏk đei 260 ti USD, lơ hloh lơ̆m 6 tơring jang mŭk drăm, tơmơt 38% kon jên tĕch răt hăm teh đak đe kơ lơ̆m teh đak. Tơring tơmăn đak kroong Hồng đei hơnih kăl ‘noh Hơnih tơm Hà Nội; jĭ 1 lơ̆m 2 hơnih tơm jang mŭk drăm kơ teh đak bơ̆n. ‘Nau ji tơring yak hơlau găh kmăi kmok gơ̆h hơgei, chă tơchĕng, jang kiơ̆ khoa hŏk, kmăi kmŏk păng tơplih ‘nao tơchăr, trong hnam au to đei tơmơ̆t jên jang atŏk tơ iung kơtang.