Pơma ah hop akŏm, jơnŭm jang mŭk drăm hmach bơnê kơ tơdrong hơtŏk tơ-iung, tơdrong asong jang păng anih dơ̆ng kơ Việt Nam; đon lui kơ dôm anih asong jang đơ̆ng teh đak đe lơ̆m trong tơchơ̆t pơgơ̆r jang đơ̆ng jơnŭm pơgơ̆r teh đak, Thủ tướng teh đak; lơ anih jang mŭk drăm teh đak đe sơkơ̆t hơdah Việt Nam đei lơ trong hiôk vă jing anih tơm lơ̆m asong jang lơ̆m kơpal teh; jơnŭm jang apŭng plenh teh sơkơ̆t Việt Nam jing sơnong kăp gĭt lơ̆m hơtŏk tĕch pơdro lơ̆m kơpal teh, lơ anih asong jang pran tơguăt pơih să asong jang tơ̆ Việt Nam lơ̆m khei năr truh.

Thủ tướng Phạm Minh Chính hơpơi ‘meh păng lui ngeh, dôm anih jang mŭk drăm, anih asong jang teh đak đe pơtoi akŏm đon lui, jang hadoi kơjăp, chĕp vei tơdrong hlôi tơchơ̆t noh pơm jang đei jơnei, yak hadoi păng hơtŏk tơ-iung kơjăp, đei jơnei atŭm hăm Việt Nam – Jơnei keh kong đơ̆ng dôm anih asong jang adoi jing tơdrong đei jơnei kơ Việt Nam.