Sơnăm 2023, jang tŏk mŭk drăm đơ̆ng Việt Nam oei đei hlŏh 5%. Kơsô̆ unh hnam tơnuh jur hơnơ̆ng, pă 3%. Tơdrong tơlĕch jên vei sơđơ̆ng tơdrong arih xa tơpôl đei pơ ‘nhŏ lơ hlŏh păng hơnơ̆ng iŏk đei vă truh 3% GDP lơ̆m lơ sơnăm. Sơnăm 2023, Việt Nam hơnơ̆ng tĕch mơdro tơ̆ teh đak đe hlŏh 8 triu tân phe, tơgop ‘lơ̆ng ăn tơdrong vei lăng sơđơ̆ng phe ƀa tơmam xa păng tơdrong răt yoa đơ̆ng kơ triu ‘nu bơngai tơ̆ jơ̆p tơring lơ̆m apŭng plenh teh.

Kiơ̆ đơ̆ng ƀai iung pơma, Ƀok Kơdră Bùi Thanh Sơn ‘mĕh tơƀôh ăn bôl boăl lơ̆m apŭng plenh tĕh tơdrong ‘lơ̆ng hơiă đơ̆ng Việt Nam akhan: Tơdrong mă Việt Nam chih iŏk đei lơ̆m lơ sơnăm âu ki ‘nŏh jĭ dôm tơdrong pơm tơm kơ kon pơlei đei vei lăng ‘lơ̆ng hlŏh mưh đei tơdrong rơngei, sơđơ̆ng păng năng kăl khôi luơ̆t apŭng plenh teh, lơ̆m noh teh đak hơnơ̆ng năng kon pơlei jĭ tơm hlŏh lơ̆m rim trong jang đơ̆ng kơdih vă pơm ‘lơ̆ng ăn tơdrong jang tŏk tôm tơdrong păng kơjăp ‘lơ̆ng.