Năr 19/5, Tổng Thư ký Kuô̆k hô̆i pơgơ̆r hop akŏm tơbăt găh tơdrong vă pơgơ̆r ‘măng hop akom mă 5, Kuô̆k hô̆i jăl XV. ‘Măng hop akŏm mă 5, Kuô̆k hô̆i jăl XV gô hop akŏm pơprŏ hơdrol păng pơgơ̆r blŭng a lơ̆,m năr 22/5, pơtôch hop akom lơ̆m năr 23/5 kiơ̆ trong hop akŏm kơtă tơ̆ Hnam Kuô̆k hô̆i.

‘Măng hop akŏm mă 5 đei pơgơ̆r 2 ‘măng. ‘măng mă 1 đơ̆ng năr 22/5 truh năr 10/6. ‘Măng mă 2 đơ̆ng năr 19 - 23/6 (đơ̆ng năr 11 -18/6, Kuô̆k hô̆i pơdơ̆h vă rim hơnih bơ̆ jang kơ Kuô̆k hô̆i, Khul kơdră teh đak păng rim Hơnih bơ̆ jang ƀơm truh đei jơ ‘năr tơgoăt iŏk, hơmet ming, pơm pơkeh trong vă pơjing khôi luơ̆t, trong vă pơjing tơdrong tơchơ̆t). Tơdra hơdrol akŏp jơ ‘năr bơ̆ jang kơ ‘Măng hop akom ‘nŏh 22 năr). Tơ̆ ‘măng hop akŏm au, Kuô̆k hô̆i gô lăng hơlen, pơdrong kiơ̆ 8 tơdrong vă pơjing Khôi luơ̆t, 3 tơdrong vă pơjing Tơchơ̆t. ‘Ngoăih kơ ‘nŏh, Kuô̆k hô̆i gô lăng hơlen, ăn tơgop nơ̆r găh hla bơar chih tơbăt hơlen lăng tơmơ̆t dơ̆ng trong bơ̆ jang kiơ̆ tơdrong pơprŏ jang atok tơ iung mŭk drăm-tơpôl păng kon jên bơ̆ jang teh đak sơnăm 2022; tơdrong jang kiơ̆ trong pơprŏ jang atŏk tơ iung mŭk drăm-tơpôl păng kon jên jang teh đak dôm khei blŭng sơnăm 2023…