Tơbăt tơ̆ hop akŏm, Kơ iĕng Kơdră chĕp pơgơ̆r Hơnih tơm Pơprŏ tơdrong jang păng Tơmơ̆t jên jang Trần Duy Đông tơbăt, Khul kơdră teh đak ‘nao tơlĕch Tơdrong tơchơ̆t kơsô̆ 66 găh Tơdrong iung jang đơ̆ng Khul kơdră Teh đak jang kiơ̆ Tơdrong tơchơ̆t 41 kơ Hơnih tơm Chinh trĭ. Kiơ̆ kơ ‘noh, trong tơlĕch jang đơ̆ng dang ei truh sơnăm 2030, tŏ sĕt hloh 2 triu hơnih mơdro sa, lơ̆m au pơjing păng atŏk tơ iung khul mơdro sa chĕp pơgơ̆r rim Grŭp jang mŭk drăm pran kơtang, kĕ pơjei lơ̆m tơdrong mơdro sa lơ̆m teh đak păng teh đak đe, hơtŏk hơnăp jang pơ̆ih trong choong glung rim hơnih jang, tơdrong jang kăl kơ tơdrong jang muk drăm.

Iung pơma tơ̆ hop akŏm, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa sơkơ̆t hơdăh, vă Tơdrong tơchơ̆t 41 đơ̆ng Hơnih tơm Chinh trĭ tĕnh koăng tơlĕch jang kiơ̆ hloi, kăl hơnơ̆ng tơplih ‘nao trong pơgơ̆r, tơlĕch jang kiơ̆; lăng kơjăp dăr lăng hơlen, pơrô̆ pơrôp; hơmet ăn ‘lơ̆ng rim tơdrong, khul jang hăm kơrŭn iung jang kơtang, hơdrin tôch nŏng vă jang kiơ̆ jơnei Tơdrong tơchơ̆t.