‘Nâu jĭ athei đơ̆ng yă Trương Thị Mai, Bơngai jang lơ̆m Anih tơm tơm Chĭnh trĭ, Ban Bí thư, Kơdră Anih pơgơ̆r Trung ương tơ̆ Hop akŏm vei kơ jăp, tơlĕch jang tơdrong tơchơ̆t đơ̆ng Ban Bí thư Trung ương Đảng găh “Hơtŏk loi dơ̆ng tơdrong chĕp kơ̆l pơgơ̆r đơ̆ng Đảng hăm tơdrong jang vei lăng sơđơ̆ng trong nơnăm lơ̆m tơdrong ‘nao”.

Pơma pơtôch hop akŏm, yă Trương Thị Mai athei, kăl pơm kiơ̆ hrơ̆ch 1 ‘măng dôm hơnăp jang, trong jang lơ̆m tơdrong tơchơ̆t âu, mă loi ‘noh jĭ lơ̆m tơdrong jang chĕp kơ̆l, pơgơ̆r, pơm kiơ̆ tơ păt trong jang đơ̆ng Đảng, khôi luơ̆t đơ̆ng teh đak. Hơdai hăm athei kang ƀô̆, đảng viên athei hơtŏk ‘lơ̆ng jơhngơ̆m đon jang tơ năp păng pơm jŭk yŭk trong hơ lâu hăm tơdrong vei sơđơ̆ng trong nơnăm.