Pơma potoch hop akŏm, Phŏ Kơdră Quốc hội, Thượng tướng Trần Quang Phương pơma hơdăh, sơnăm 2024 jĭ sơnăm mă blŭng jang kiơ̆ dôm tơdrong hơgăt đơ̆ng Tơdrong tơchơ̆t 969.

Vă hơnơ̆ng pơm hơtŏk tơdrong ‘lơ̆ng, đei yoa đơ̆ng tơdrong chih tơblang kiơ̆ trong jang đơ̆ng Đảng, teh đak, pơjing tơdrong drơ̆ng pôm nơ̆r, mât mĭnh jơhngâm, kơchăng lơ̆m tơdrong pơgơ̆r jang, Phŏ Kơdră Quốc hội athei, dôm anih jang hlôh vao kơjăp, bơ̆ jang mă ‘lơ̆ng dôm tơdrong hơgăt lơ̆m tơdrong tơchơ̆t 969, kơchăng băt hơdăh rim tơdrong, chih akŏm rim tơdrong tơroi kiơ̆ đơ̆ng bơ̆ jang dăr lăng găh tơdrong kơdih vei lăng dăh mă đei Anih chĕp kơ̆l pơgơ̆r Quốc hội pơjao vă chă rơih tơdrong chih tơblang lơ̆m tơdrong bơ̆ jang dăr lăng rim sơnăm đơ̆ng Anih vei lăng hơdrĕch kon kông păng dôm anih jang kơ Quốc hội.