Lăp đơ̆ng rŏng mơ̆ng rim nơ̆r tơgop, pơma pơtôch jơ bơ̆ jang đơ̆ng Thủ tướng Phạm Minh Chính pơma hơdăh, hơmet pơ ‘lơ̆ng hơgăt teh apŭng, tơring tơgŭm akŏm khul jang, pơjing rơvơn iung jang dôm tơdrong rơvơn groi teh, tŏ ‘mi kial, khul jang păng hơvơn tơmơ̆t jên jang.

Lơ̆m khei năr kơnh Thủ tướng athei akŏm chĕp pơgơ̆r, pơrô̆ iung jang minh ƀar tơdrong jang tơm lơ̆m au pơma hơdăh, akŏm jang ‘lơ̆ng pơrô̆ pơrôp, pơjing đei hrơ̆p mĭnh nơ̆r ƀơ̆r đon lơ̆m rim răih kon pơlei lơ̆m tơring, kăl tơlĕch jang kiơ̆ mă ‘lơ̆ng, mă hơlen, pơjing đei mĭnh nơ̆r ƀơ̆r đon lơ̆m khul jang chinh trĭ, tơdrong lăp đon đơ̆ng kon pơlei. Kăl iung jang mă tơnăp păng jang hơdoi kơjăp ƀar păh rim Hơnih tơm, hơnih bơ̆ jang Trung ương păng tơring, mă kăl ‘nŏh khul kơdră chĕp pơgơ̆r hơnih jang đảng, kơdră tơring tơ̆ rim tơring tơrang jang kiơ̆ hơmet pơ ‘lơ̆ng.