Đơ̆ng rŏng 1 sơnăm tơlĕch (đơ̆ng ‘năr 1/9/2022 truh ‘năr 30/9/2023) Anih pơgơ̆r iŏk đei vă jê̆ 170 ƀai chih găh 4 kơloăi ‘nŏh: ƀăo in, ƀăo điên tư, tivi, pơih tơroi lơ̆m radio, tŏk 42 ƀai pơtêng hăm sơnăm adrol ki. Kiơ̆ tơdrong tơchĕng đơ̆ng anih pơgơ̆r, lơ ƀai thi đei chih, pơm hơmet tôch ‘lơ̆ng, chih tơroi tôch hơiă, pơm lăp đon, pôk pơ ư tôch đei yoa lơ̆m tơpôl, ră roi hơdăh rim tơdrong jang tơiung pơjing Đảng đơ̆ng dêh char Đắk Lắk.

Anih pơgơ̆r hơpăh 1 yaih A,  3 yaih B, 6 yaih C păng 10 yaih pơčhơp jơhngâm ăn dôm bơngai chih, grŭp chih. Hơdai hăm ‘nŏh, chă rơih 22 ƀai chih ‘lơ̆ng hơiă hlŏh vang thi mă hơtuch lơ̆m tơdrong thi Chih ƀai Mut săng kô măih lơ̆m teh đak ‘măng mă VIII - sơnăm 2023.