Tơ̆ jơ sơng, Thượng tướng Phạm Hoài Nam lăng ‘lơ̆ng tơdrong Anih tơm vei lăng khŭl lĭnh Nhật Bản păng Anih mong jên Rơngei Sasakawa hlôi jang hơdai kơjăp hăm Anih tơm vei lăng Khŭl lĭnh Việt Nam tơlĕch jang Tơdrong jang tơƀơ̆p pơma dơnuh si kuan kâp tá, kâp úy Việt Nam-Nhật Bản lơ̆m 7 sơnăm âu ki.

Thượng tướng Phạm Hoài Nam pơma hơdăh Việt Nam lăng kăl hơtŏk loi dơ̆ng pơma dơnuh, jang hơdai đơ̆ng rim khŭl grŭp, anih jang, lăng ‘nâu jĭ tơdrong jang hơdai jơnei yua kơ tơdrong đei yua ăn kon pơlei 2 teh đak. Thượng tướng Phạm Hoài Nam ‘meh vă Anih mong jên Rơngei Sasakawa hơnơ̆ng bơngơ̆t truh tơlĕch jang hơdai, tơgŭm Việt Nam lơ̆m pơtho pơhrăm, jang pơgang, cham char, pơtho bơngai jang, mă loi ‘noh jĭ tơdrong jang ‘mêm mơnat nhen tơgŭm bơngai jo jăn, lĭnh jĭ rơka, bơngai răm đơ̆ng pơgang điôxin.