Hơtŏk mŭk drăm tĕch răt sơkơ̆t kiơ̆ XHCN, ƀai hŏk đơ̆ng tơdrong đei ƀôh đơ̆ng pơlei tơm HCM
Thứ ba, 10:29, 07/11/2023
VOV/Lan tơblơ̆
VOV/Lan tơblơ̆
VOV4.Bahnar – Pơgê 'năr brei (6/11), Khul kang ƀô̆ chih hơlen tơdrong đei ƀôh grŭp 2 – Jơnŭm pơgơ̆r sơkơ̆t Trung ương gah hơtŏk tơdrong jang mŭk drăm sơkơ̆t kiơ̆ xah hô̆i chu nghia kơyuơ ƀok Trần Tuấn Anh, jang lơ̆m Anih tơm Chĭnh trĭ, Kơdră anih jang Mŭk drăm Trung ương chĕp kơ̆l khul kơpal pơm jang hăm anih jang đang pơlei tơm HCM.
Pơma sơkơ̆t ah 'măng pơm jang, Kơdră Anih jang Mŭk drăm Trung ương Trần Tuấn Anh sơkơ̆t hơdah, dôm nơ̆r tơgop mă kăl noh hlôi pơm hơdah tơdrong kloh klĕch đơ̆ng pơlei tơm HCM gah hơtŏk mŭk drăm tĕch răt kiơ̆ sơkơ̆t XHCN, atŭm hăm noh hlôi hơmet minh ƀar tơdrong tơm kăp gĭt.
Dôm nơ̆r tơgop lơ̆m jơ bơ̆ jang hlôi pơm hơdah hloh tơdrong pơm kiơ̆ tơchơ̆t đơ̆ng Đảng gah hơtŏk mŭk drăm tĕch răt kiơ̆ sơkơ̆t xah hô̆i chu nghia lơ̆m tơring teh kơ pơlei tơm HCM, mă kăl noh dôm tơdrong jang đei jơnei hơdah, dôm tơdrong oei tơjruh, tơdrong tơm pơm jang đei jơnei, tơdrong tơm pơm oei tơjruh, dôm tơdrong tơlĕch păng ƀai hŏk hơdah đơ̆ng tơdrong sơkơ̆t jang tơ̆ tơring.
Viết bình luận