Pơma đam jing 'măng vă tơroi gah tơdrong hlôh vao, tơdrong tơlĕch jang vă pơm trong hiôk hơtŏk tơdrong tơgop đơ̆ng drăkăn lơ̆m tơdrong jang, hơtŏk sơnong jang păng pơyua đơ̆ng đe drăkăn lơ̆m anih choh jang xa păng kơjă tơmam drăm dơnơm kơ Việt Nam nhen phe ƀa, ƀum tei, ka phê păng tiu.

Tơ̆ pơma đam, rim bơngai tang măt hlôi pơma đam gah sơnong jang kơ đe drăkăn lơ̆m hơtŏk jang tiu kơjăp sơđơ̆ng tơ̆ Tây Nguyên, tơblang hơdah 2 tơdrong hơlen gah pơm tơlĕch ƀa phe pơtrŏ hăm hơyuh tŏ ‘mi tơplih đei tơdrong vang jang đơ̆ng đe drăkăn. Tang măt ăn đe drăkăn jang mir Đăk Lăk adoi tơroi gah tơdrong hlôh vao păng tơdrong vang jang lơ̆m dôm tơdrong tơlĕch jang hơtŏk kaphê păng ƀum tei kơjăp sơđơ̆ng.