Vă hơtŏk tơdrong đei yoa đơ̆ng roi tơbăt găh tơdrong pơm tơm kơ kon bơngai lơ̆m 2 năr, ‘năr 26, 27/10, tơ̆ plt Kon Tum, Anih tơm tơroi tơbăt jang hơdoi hăm đe Kơdră chĕp kơ̆l Anih jang găh tơdrong pơm tơm kơ kon bơngai đơ̆ng tĕh đak păng Anih vei lăng kon pơlei dêh char Kon Tum pơgơ̆r hop akŏm pơtâp pơhrăm tơdrong jang roi tơbăt hăm tĕh đak đe găh tơdrong pơm tơm kơ kon bơngai ăn vă jê̆ 200 ‘nu bơngai tang măt ‘nŏh jĭ kăn ƀô̆ bơ̆ jang găh tơdrong roi tơbăt, bơ̆ jang găh tơdrong pơm tơm kơ kon bơngai tơ̆ 19 dêh char, plt tơ̆ tơring Tây Nguyên, Tây Nam Bộ păng plt Hồ Chí Minh.

Lơ̆m 2 năr, dôm bơngai tang măt vang truh Hop akŏm pơtâp pơhrăm tơdrong jang roi tơbăt hăm tĕh đak đe găh tơdrong pơm tơm kơ kon bơngai đei hŏk hơlen tơdrong tơchơ̆t đơ̆ng Thủ tướng tĕh đak găh tơdrong kĭ ăn tơdrong jang roi tơbăt găh tơdrong pơm tơm kơ kon bơngai; roi tơbăt găh tơdrong iŏk yoa tơdrong lui khop vă phă ngơ̆r tĕh đak lơ̆m khei ‘năr âu ki păng tơdrong đei ƀơm truh hăm tơdrong jang tơbôl; pơtho tơƀôh trong roi tơbăt um ai dêh char truh hăm tĕh đak đe; tơdrong kăl vă roi tơbăt lơ̆m radio, tivi găh tơdrong jang tơbôl hăm apŭng plenh tĕh; tơdrong kon pơlei pơm tơm păng 1,2 trong jang vă roi tơbăt găh tơdrong pơm tơm kơ kon bơngai.