Hơtŏk tơdrong jang hơdoi găh khul linh Việt Nam –Cuba
Thứ tư, 09:56, 25/10/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Pơgê brei (24/10), tơ̆ anih jang kơ Anih tơm vei lăng khul linh tĕh đak, Thượng tướng Nguyễn Tân Cương, Kơdră jang tơgŭm kơ Khul linh kon pơlei Việt Nam, Phŏ Kơdră tơm vei lăng khul linh tĕh đak pơgơ̆r lêh sơng păng pơma đam hăm Khul kơdră jang tơgŭm dôm Khul linh tơblăh kơ kăch mang Cu Ba yoa Thượng tướng Roberto Legrá Sotolongo Kơdră jang tơgŭm, Phŏ Kơdră tơm vei lăng dôm khul linh tơblăh kơ kăch mang Cu-ba oei năm hơpong tơ̆ Việt Nam đơ̆ng ‘năr 19 - 28/10/2023.
Tơ̆ jơ pơma đam, 2 păh drơ̆ng nơ̆r hăm trong jang hơdoi găh khul linh đơ̆ng 2 tĕh đak đei dôm chăl kơdră chĕp kơ̆l Việt Nam păng Cu-ba tơrĕk truh, jing 1 lơ̆m dôm tơdrong tơm lơ̆m tơdỏng pơvei atŭm kơ 2 tĕh đak, vang tơgop gĭt kăl lơ̆m tơdrong vei lăng ‘lơ̆ng tơdrong jơnei kăch mang, lăp hăm tơdrong ‘mĕh vă păng tơdrong pran ‘lơ̆ng đơ̆ng rim tĕh đak.
Khei ‘năr truh, athei 2 păh adrin tơlĕch jang mă ‘lơ̆ng Trong jang hơdoi găh khul linh đơ̆ng 2023- 2025; Tơlĕch jang đei yoa dôm tơdrong jang hơdoi găh kơmăy kơmŏk pơyoa ăn khul linh, lăp hăm tơdỏng ‘mĕh vă, tơdrong gơ̆h jang păng tơdrong đei kơdih đơ̆ng rim pang.
Viết bình luận