Tổng Bí thư Tô Lâm roi tơbăt, kiơ̆ lơ̆m tơdrong pơvei tơbôl joăt joe  ‘lơ̆ng hơiă, hăm dôm jơnei kơjăp hlôi iŏk đei, hlôh vao păng lui ngeh dih băl, vang tơroi băl lơ tơdrong vă lei lăi găh đei yua păng tơgŭm hơdrol gĭt kăl, kŭm nhen tơdrong lăng atŭm găh sơđơ̆ng, hơnŭk hơnoa, hơtŏk tơiung kơjăp tơ̆ tơring, kơdră chĕp kơ̆l 2 teh đak chơt hơiă pơma hơdăh hơtŏk tơdrong pơvei Việt Nam - In-đô-nê-xi-a tŏk Jang hpdai - Gĭt kăl tôm tơdrong.

Tơdrong Việt Nam păng In-đô-nê-xi-a pơjing tơdrong pơvei Jang hơdai Gĭt kăl tôm tơdrong ‘noh jĭ tơƀôh ‘lơ̆ng ăn jơhngơr hơrih, pơih ăn chăl ‘nao ăn jang hơdai đơ̆ng 2 teh đak lơ̆m đĭ đăng rim tơdrong jang, hơnhăk tơdrong pơvei roi ‘năr roi yak mơ̆t jrŭ, tơpă, jơnei, yua kơ tơdrong đei yua ăn Kon pơlei 2 teh đak, tơgop lơ̆m tơdrong rơngei, sơđơ̆ng, jang hơdai păng hơtŏk tơiung tơ̆ tơring păng lơ̆m apŭng plĕnh teh. Kơdră tơm  Indonesia Prabowo Subianto kŭm tơƀôh jơhngơ̆m đon tôch kơ chơt hơiă đei sơng Tổng Bí thư Tô Lâm kŭm hăm Khŭl tang măt gĭt kăl Việt Nam năm ngôi, bơ̆jang. Ƀlep ƀơ̆t ‘măng âu, 2 păh hlôi hơtŏk jing tơdrong pơvei Jang hơdai Gĭt kăl tôm tơdrong.