Kiơ̆ chih akŏm đơ̆ng Anih tơm Pơtho Pơhrăm, trong jang kiơ̆ “Tơchơ̆t jang hơtŏk pơtho pơhrăm truh sơnăm 2030, sơkơ̆t truh sơnăm 2045” noh hơtŏk kon bơngai Việt Nam tôm tơdrong, iŏk yua mŭk drăm, tơdrong hơgei kơ rim bơngai jang... Pơjing tơdrong pơtho pơhrăm hơtŏ hơnơ̆ng, ‘măn ăn tơdrong hŏk pơhrăm ling lang, kiơ̆ pơkăp pơtho gơh hơgei ‘nao, hiôk hian lơ̆m tơpôl păng jang hadoi lơ̆m apŭng plenh teh, truh sơnăm 2030 đei jơnei tơdrong hơgei kơ tơring châu Á. 

Pơma ah hop akŏm, Phŏ Thủ tướng ră hơdah, Tơchơ̆t jang kăl hơvơn tơdrong vang jang đơ̆ng tôm anih jang, lơ̆m noh đei anih jang tơ-‘ngla pơm tơm vă pơtho bơngai jang ăn tơpôl atŭm hăm Teh đak hơtŏk asong jang đei jơnei ăn pơtho pơhrăm. Atŭm hăm noh, athei jô̆ truh tơdrong jang mŭk drăm, dôm tơdrong jang kŏng ngĭp hơnô̆ hơnăp kơnh, sơnong jang kơ dôm anih jang mŭk drăm lơ̆m tơdrong vang jang chih tơchơ̆t, pơkăl hăm tơdrong jang pơtho pơhrăm.