Hop akŏm yua đơ̆ng Phŏ Thủ tướng Trần Lưu Quang pơgơ̆r, hăm tơdrong vang akŏm đơ̆ng bơngai tang măt dôm anih tơm, anih jang trung ương păng tơring. Hop akŏm hlôi ‘măn lơ jơ pơma dơnuh, tơblang hơdăh, hơlen lăng dôm trong jang tơgŭm hơtŏk tơiung mŭk drăm - tơpôl tơring Tây Nguyên păng tơlĕch 1,2 tơdrong jang, tơdrong tơgŭm hơdrô̆ ăn tơring.

Pơma pơtôch hop akŏm, Phŏ Thủ tướng Trần Lưu Quang, Kơdră Khŭl pơgơ̆r jang tơring Tây Nguyên akhan ‘măng hôp âu đei lăng jĭ tơdrong tơlĕch jang blŭng vă pơma dơnuh trong gơh jang ‘nao, pơjing trong tơlĕch jang, trong jang tôch kơ rơđăh ‘lơ̆ng, gơh hiơ̆ mă lei kơjăp. Lơ̆m noh, mă loi ‘noh athei jăh pơjing mă đei trong jang tơgŭm hơdrô̆ kơ pơ đĭ tơring vă kiơ̆ đơ̆ng noh hơmet pơ ‘lơ̆ng dôm tơdrong mơmat tat, pơm tơdrong ‘lơ̆ng pơtrŭt tơring Tây Nguyên hơtŏk tơiung.