Đơ̆ng rŏng kơ tơroi dơ̆ng dôm tơdrong iŏk đei lơ̆m tơdrong jang đơ̆ng Anih khei ‘năr âu ki, kŭm nhen dôm tơdrong tam mă pran ‘lơ̆ng mưh pơgơ̆r jang roi tơƀôh ăn Khul kơdră tĕh đak, Thủ tướng tĕh đak găh dôm tơdrong ƀơm truh tơdrong jang tŏk pran kơjăp păng hơtŏk kơsư̆k pơjei, lơ nơ̆r akhan, tơ̆ hơnăp kơnh tơdrong jang đơ̆ng Anih âu kăl akŏm lơ̆m dôm tơdrong jang tơm vă jang atŏk tơiung pran kơjăp găh mŭk drăm, tơpôl, cham char nhen:

Nơ̆r pơkăp đơ̆ng Việt Nam hăm tơdrong jang tơm truh 2030 yoa tơdrong jang tŏk pran kơjăp đơ̆ng Liên Hợp Quốc; chih hơdăh 1,2 tơdrong jang kăl kiơ̆ rim sơnăm, jăl khei ‘năr, tơklep hăm tơdrong jang, tơdrong vei lăng tĕh đak đơ̆ng rim Anih tơm, anih jang kơpal; chih tơroi rim tơdrong ‘nao đei tơlĕch nhen tơdrong tơplih hăm kơmăy sô̆, tơplih trong jang tŏk rơgŏh, tơplih ‘lơ̆ng lơ̆m tơpôl….