Phŏ Thủ tướng athei Hà Nội jăh tơlĕch jang hơnăp jang hơmet proh hơmet atŭm Anih tơm. Lơ̆m noh Proh hơmet ming athei bơngơ̆t truh gĭt kăl truh anih jang trong trôm tơ̆ hơ la teh. Tơdrong tơm đơ̆ng Proh hơmet ‘noh jĭ hơtŏk tơiung Hà Nội jing anih tơm ‘nao, hơgei, chông ba păng pơm tơdrong hơiă păr ang, tơklep hơdai tơring anih tơm; jing anih tơm, pơtrŭt hơtŏk tơiung tơring tơmăn đak krong Hồng, tơring mŭk drăm tơm păh Tu păng lơ̆m teh đak.

Hà Nội gô pơtrŭt hơtŏk tơiung dôm anih kơ drơ̆m vệ tinh, pơlei tơm kơ anih tơm; vei lăng kơ jăp hơtŏk tơiung hnam oei tơ̆ng kơ jung tơ̆ tơring tơm. tơlĕch jang hrơ̆ch 1 ‘măng dôm tơdrong jang hơmet ming anih kơ drơ̆m; hơtŏk tơiung hơnih trôm anih kơ drơ̆m; pơ jing tơring tơ rang lăp ‘lơ̆ng hăm anih kơ drơ̆m, vei răk tơdrong ‘lơ̆ng hơiă joh ayŏ joăt joe, vei lăng cham char, pơm tơdrong kơ jăp ‘lơ̆ng.