Tơguăt hăm hơnăn pơm jang kơ sơnăm 2023 kơ Anih jang Unh hơyuh Việt Nam gah “Pơm kiơ̆ 'mơ̆ 'miĕt – Tơjră huach kư̆ kă”, Anih jang unh hơyuh Đăk Lăk hlôi akŏm drơ̆ng minh dôm tơdrong jang lơ̆m 5 tơdrong tơm noh: Jang tĕch pơdro; asong ming man; vei lăng, iŏk yua mŭk drăm; vei lăng iŏk yua mŭk drăm cham char păng vei sơđơ̆ng cham char; vei lăng bơngai jang păng jơ 'năr pơm jang.

Lơ̆m asong ming man, anih jang hlôi hơlen, akŏm ăn minh ƀar tơdrong jang kăl nhen: Keh đang chô̆ unh hơyuh tơring gah tu pơlei tơm Buôn Ma Thuột; Hơmet 'nao tơlei unh hơyuh tơ̆ pơlei tơm Buôn Ma Thuột păng dôm apŭng Krông Pach, Cư M'Gar, Ea Kar; Hơtŏk tơdrong lui ngeh gah asong unh hơyuh tơ̆ dôm trong tơlei 110kV dêh char Đăk Lăk… Lơ̆m tơdrong jang tĕch răt, truh dang ei, tôm bơngai yua unh hơyuh tŏ Đăk Lăk đei tơplih kŏng tơ điê̆n tưh; atŭm hăm noh pơm kiơ̆ pơkăp kơsô̆, hơdah lơ̆m tơdrong pơkă unh yua rim năr, tơlĕch jang kiơ̆ “tơroh minh anih” đơ̆ng anih jang unh hơyuh păng anih jang vei hơlen đơ̆ng teh đak, tơgŭm ăn kon pơlei ƀônh ƀŏ hloh lơ̆m tơdrong tơrĕk hăm tơdrong jang unh hơyuh.