"Hơkŏp kơsô̆ tơdrong jang rơgei lơ̆m hŏk pơhrăm păng jang kiơ̆ Ƀok đơ̆ng tôm jăl jang lơ̆m jâ̆p teh đak jô̆ truh khei 4 âu ki noh hloh  25.500 tơdrong”.  'Nâu jing kơtơ̆ng ang đei tơbang ăh Hop akŏm jâ̆p teh đak xơkơ̆t găh tơdrong pơm kiơ̆ Tơchơ̆t kơsô̆ 01 đơ̆ng Anih tơm Chĭnh trĭ jăl 13 găh pơtoi pơm kiơ̆ Tơchơ̆t kơsô̆ 05 “găh hơtŏk pran hŏk pơhrăm păng pơm kiơ̆ đon kơchĕng,t rong jang 'long Hồ Chí Minh” đei Jơnŭm jang Twên yăo Trung ương pơgơ̆r ăh 'năr brei, 12/6. Tơroi ăh Hop akŏm ăn tơbăt, tơdrong đei jơnei lơ̆m pơm kiơ̆ Tơchơ̆t kơsô̆ 01 đơ̆ng Anih tơm Chĭnh trĭ jăl 13 lơ̆m 2 xơnăm kơ âu, rim dêh char, pơlei tơm păng rim anih jang Trung ương hlôi tơchơ̆t hơdăh, pơm kiơ̆ tơnăp păng kơjăp. Kiơ̆ đơ̆ng noh đei lơ trong jang tơnăp hơbĕch, gơh rơgei, đei lơ trong jang 'lơ̆ng tơ̆ lơ tơring, tơgop hơtŏk tơdrong keh đang dôm tơchơ̆t jang mŭk drăm – tơpôl, vei xơđơ̆ng tơpôl teh đak, jang tơbôl, pơ-'lơ̆ng Đảng păng jơnŭm jang chĭnh trĭ.