Sơnăm âu, dêh char Gia Lai đei 2.847 hơdruh tơdăm tơ̆ 17 apŭng, thĭ xah, pơlei tơm tơ̆ dêh char Gia Lai gô năm pơm ƀô đô̆i. Lơ̆m kơsô̆ âu đei 56% hơdruh tơdăm kon kông, 479 bơngai pơm hla bar apinh năm pơm ƀô đô̆i, 72 ‘nu hŏk đang đăi hŏk, kao đẳng.

Đơ̆ng hơtuch sơnăm 2023 păng blŭng sơnăm âu, Jơnŭm jang gah Sơnong pơm ƀô đô̆i dêh char Gia Lai jang atŭm hăm dôm tơring akŏm lơ khul jang truh hơpong pơma dơnuh, asong tơmam ăn dôm unh hnam đei hơdruh tơdăm năm pơm ƀô đô̆i ‘măng mă âu. Rim tơring hlôi keh đang tơdrong hơmet ăn năr lêh pơjao iŏk bơngai pơm ƀô đô̆i.