Đei 4 grŭp tơdrong đei tơlĕch apĭnh jet, găh tơdrong jang vei lăng đơ̆ng dôm Anih tơm vei lăng: Bơngai jang, Lĭnh jĭ rơka păng Tơpôl, Khoa hŏk păng Kơmăy kơmŏk, Trong nơnăm - Gre kơdâu păng Anih vei lăng hơdrĕch kon kông. Hơdai hăm dôm kơdră tơm, kơdră anih jang pŭ hơnăp jang tơl nơ̆r tơm, 3 Phŏ Thủ tướng Teh đak: Lê Minh Khái, Trần Lưu Quang, Trần Hồng Hà, Kơdră dôm Anih tơm vei lăng: Jên hu; Tơlĕch nơ̆r sơ kơ̆t păng Tơmơ̆t jên jang, Choh jang sa păng hơtŏk tơiung tơring tơrang dai vang tơl nơ̆r, tơblang hơdăh, pơm rơđăh dơ̆ng dôm tơdrong ƀơm truh.

Kơdră Kuôk hô̆i Vương Đình Huệ hơlen lăng, jơ apĭnh jet pơgơ̆r lơ̆m tơdrong rơhau, tơpăt, hơiă, iŏk đei tơdrong bơngơ̆t, lăng truh jơ̆p jang đơ̆ng bơngai tăh hla păng kon pơlei lơ̆m teh đak. Dôm kơdră tơm mă đơ̆ng bơngai hlôi hlôh băt tôm dăh mă ‘nao vang tơl nơ̆r ‘măng mă blŭng adoi hlôi tơƀôh jơhngơ̆m đon nuih, băt hơdăh tơdrong đơ̆ng anih jang vei lăng, tơpăt, ưh kơ ‘ma ‘ngeo, veh ver, jô̆ hloi dôm tơdrong hơnat păng krê hơmơt.