Jơnŭm chih akŏm Hla bar kăp gĭt ăn Hop akŏm mă 14 pơm jang hăm Jơnŭm asong bơngai jang Đảng Ƀô̆ Khua hŏk păng Kŏng ngê̆
Thứ bảy, 06:00, 06/07/2024
Lan chih tơblơ̆
Lan chih tơblơ̆
VOV4.Bahnar – Pơgê năr 5/7 tơ̆ Hà Nội, Jơnŭm chih akŏm Hla bar kăp gĭt ăn Hop akŏm mă 14 kơyuơ ƀok Nguyễn Xuân Thắng, Kơdră Jơnŭm Lĭ luơ̆n Trung ương chĕp kơ̆l hlôi pơm jang hăm Jơnŭm asong bơngai jang Đảng Ƀô̆ Khua hŏk păng Kŏng ngê̆.
Tơ̆ jơ pơm jang, kơdră Anih tơm Khua hŏk păng Kŏng ngê̆ tơroi gah tơdrong đei jơnei lơ̆m hơtŏk jang khua hŏk păng kŏng ngê̆ pơm kiơ̆ Tơchơ̆t Hop akŏm kơdră tang măt jơ̆p teh đak ‘măng mă 13 kơ Đảng. Hmach bơnê kơ dôm tơdrong đei jơnei hơdah kơ tơdrong jang khua hŏk păng kŏng ngê̆ hlôi đei jơnei lơ̆m hloh 3 sơnăm pơm kiơ̆ Tơchơ̆t Hop akŏm mă 13 kơ Đảng, ƀok Nguyễn Xuân Thắng hmach bơnê kơ dôm tơdrong hơdrin, jang hơgei kơ anih jang khua hŏk păng kŏng ngê̆.
Atŭm hăm noh pơkăl anih jang khua hŏk păng kŏng ngê̆ akŏm pơklaih dôm tơdrong oei tơhlăk, hơtŏk hiôk gah trong tơlĕch jang đei tơrĕk truh tơdrong jang jên hu; tơrĕk hơlen dôm tơdrong jang ‘nao lơ̆m apŭng plenh teh đei tơrĕk truh trong tơplih jang jơk, tơplih kơsô̆, tơplih unh hơyuh.
Viết bình luận