Hop akŏm pơtho pơhrăm đei pơgơ̆r đơ̆ng năr 7-11/8 hăm vang năm đơ̆ng 300 ‘nu bơngai hŏk ‘nŏh kơdră chĕp pơgơ̆r Khul vei lăng tơdrong jang joh ayŏ kơdŏ soang, ban tuyên giáo tỉnh ủy, ƀok thây kô kơ rim hnam trương đăi hŏk, kao đăng, Bơngai chih akŏm rim hơnih bơ̆ jang chih kơtơ̆ng ang kơ 36 dêh char, pơlei tơm.

Lơ̆m 5 năr au ki, rim bơngai hŏk đei pơma dơnuh 6 tơdrong ƀơm truh tơdrong ‘mĕh vă atŏk tơ iung kơ bơ̆ jang hơlen hơdăh tơdrong joh ayŏ kơdŏ soang; kmăi kmok jŏh ayŏ păng hơnih dơ̆ng, hơnăp jang kơ tơdrong joh ayŏ kơdŏ soang lơ̆m tơdrong atŏk tơ iung jơ tơdrong jang kmăi kmŏk jŏh ayŏ kơdŏ soang; lơ̆m tơplih ‘nao tơdrong jang kơ Jơnŭm rim khul chĕp pơgơ̆r joh ayŏ kơdŏ soang Việt Nam păng rim Khul vei lăng jang joh ayŏ kơdŏ soang kơ Trung ương tơ̆ hơnăp dôm tơdrong pơ koĕl ‘nao.