Jơnŭm jang Đe linh so dêh char Đăk Lăk dang ei đei hloh 50.700 'nu bơngai jang, akŏm tơ̆ 261 jơnŭm jang. Lơ̆m 20 sơnăm pơm kiơ̆ Tơchơ̆t kơsô̆ 09 sơnăm 2002 đơ̆ng Anih tơm Chĭnh trĭ, đe linh so Đăk Lăk hơnơ̆ng chĕp vei đon bơnôh “ƀô đô̆i ƀok Hô” lơ̆m pơm jang păng vei lăng Đảng, jơnŭm pơgơ̆r tơring, hăt hot tơgop nơ̆r lơ̆m tơdrong jang tang găn păng tơjră sa pơjĭp. Tơdrong jang đe linh so yuk trong hơlâu păng pơih să jâ̆p jang, kiơ̆ đơ̆ng noh ƀôh băt lơ đe linh so jang hơgei.

Jơnŭm jang đe linh so Đăk Lăk hlôi hơvơn đei jê̆ 138 tih hlj vă hơmet hnam hyah hyok, tơgŭm hơdrĕch 'long pơtăm, kon yŏng, bơ̆ hla bar mong jên, tơgŭm ăn bơngai jang tơnap tap. Pơma ah hop akŏm, ƀok Y Biêr Niê, Phŏ Ƀĭ thư tĭnh uy Đăk Lăk akhan, khei năr truh, đe linh so lơ̆m dêh char kăl chĕp vei sơnong jang juăt jue 'lơ̆ng rŏ kơ  “Ƀô đô̆i Ƀok Hô”, pơtho tơdrong juăt jue, đon bơnôh kăch mang ăn đe mơlôh.