Sơnăm ‘nâu, kŭm hăm tơdrong pơgơ̆r dôm ‘măng hop akŏm jơnŭm pơgơ̆r kon pơlei, tơƀơ̆p pơma dơnuh hăm bơngai tăh hla kiơ̆ rim jăl khei păng dôm hop akŏm tơdrong jang, Jơnŭm pơgơ̆r kon pơlei dêh char Dak Lak gô tŭn pran tơdrong jang dăr hơlen lăng.

Lơ̆m noh akŏm lơ̆m 1,2 tơdrong jang nhen; Dăr lăng găh pơtôch bơ̆jang kiơ̆ tơdrong jang pơtăm ming cheh phe kơ dêh char jăl jang 2018-2020; dăr hơlen lăng tơdrong bơ̆jang kiơ̆ kla jên vei lăng cham char bri tơ̆ dôm mir đak lar, dôm apŭng; dăr hơlen lăng tơdrong bơ̆jang kiơ̆ vei lăng sơđơ̆ng tơdrong arih sa tơpôl lơ̆m dôm tơdrong jang vei lăng sơđơ̆ng tơpôl; bơ̆jang kiơ̆ dăr hơlen lăng kiơ̆ athei đơ̆ng khŭl kơdră teh đak găh iŏk yua mŭk drăm teh đak tơ̆ 1,2 anih jang păng dăr hơlen lăng găh tơdrong jang tơplih chĕng hơmet teh đơ̆ng tơplih bri mơh bơ̆jang pơm trong gre kơdâu hrĕnh Buôn Ma Thuột - Khánh Hoà.