Tơ̆ ‘măng hop akŏm, kơdră chĕp kơ̆l dôm anih jang hlôi pơma dơnuh, tơroi tơƀlang, chih iŏk 1,2 tơdrong ƀơm truh dôm trong jang vei sơđơ̆ng tơdrong hơgăt jang tŏk mŭk drăm iŏk đei 6-6,8%, thu mong jên jang iŏk đei 8.500 ti hlak jên lơ̆m sơnăm 2024. 

Dôm trong jang vă hơtŏk tơiung anih mơdro sa, pơm hơnih hiôk vă pơtrŭt tơdrong jang pơm tơlĕch, tĕch mơdro, sơng đei tơmơ̆t jên jang vă tơchă ăn tơdrong jang, sơng đei bơngai jang ‘lơ̆ng hơgei, trong jang vă iŏk đei tơdrong hơgăt pơjing tơring tơrang ‘nao sơnăm 2024, trong jang vă vei lăng bri păng hơtŏk ‘lơ̆ng kơ sô̆ pĕng yơ̆p bri tơ̆ hơnăp kơnh. Tơ̆ ‘măng hop akŏm âu, Jơnŭm pơgơ̆r kon pơlei dêh char Dak Lak hlôi drơ̆ng nơ̆r pơdrơ̆ng kiơ̆ 36 tơdrong tơchơ̆t lơ tơdrong gĭt kăl, pơm tơdrong ‘lơ̆ng vă hơtŏk tơiung mŭk drăm - tơpôl lơ̆m sơnăm 2024 đơ̆ng sơnăm 2021-2025.