Tơ̆ ‘măng hop akŏm âu, Jơnŭm pơgơ̆r kon pơlei dêh char Dak Lak set hơlen, pơma dơnuh păng tơchơ̆t dôm grŭp tơdrong ƀơm truh tơdrong jang kang ƀô̆ pơdơh kơ pơm kơ chư̆k jang păng tơmơ̆t dơ̆ng Bơngai jang Lơ̆m Anih vei lăng kon pơlei dêh char jăl X, jăl jang 2021 - 2026 păng pơgơ̆r iŏk kơ phiê̆u lui hăm bơngai vei kơ chư̆k jang yua đơ̆ng Jơnŭm pơgơ̆r kon pơlei dêh char Dak Lak jăl X, jăl jang 2021 - 2026 pôk kiơ̆ tơdrong hơgăt tơ̆ tơchơ̆t 96/2023 đơ̆ng Kuôk hô̆i păng 1,2 tơdrong tơm gĭt kăl nai.

Pơma pơgơ̆r blŭng a ‘măng hop akŏm, yă Huỳnh Thị Chiến Hoà, Kơdră Jơnŭm pơgơ̆r kon pơlei dêh char Dak Lak pơma hơdăh, ‘măng hop akŏm tơdrong jang ‘măng mă 10 gô set hơlen, tơchơ̆t lơ tơdrong tơm gĭt kăl, lơ̆m noh đei pơgơ̆r ‘măng hop akŏm iŏk kơ phiê̆u lui hăm bơngai vei kơ chư̆k jang yua đơ̆ng Jơnŭm pơgơ̆r kon pơlei dêh char pôk vă tơlĕch jang kiơ̆ tơdrong tơchơ̆t kơ sô̆ 96 păng set hơlen, tơchơ̆r dôm tơdrong tơm gĭt kăl găh gơh jang păng vang yak hơdai hăm Anih vei lăng kon pơlei dêh char hơmet pơgơ̆r dôm tơdrong jang đei ƀôh; pơm lăp hăm ‘meh vă tơdrong jang kang ƀô̆ păng hơnăp jang hơtŏk tơiung mŭk drăm, tơpôl lơ̆m dêh char.