Pơma đam, hơlen nơ̆r tơgop hăm tơdrong Chih akŏm Luơ̆t Unh hơyuh (hơmet ming); Chih akŏm Luơ̆t Tơdrong jang; Pơkăl chih akŏm Luơ̆t Tơdrong kăl hăt hot; Pơkăl chih akŏm Luơ̆t Khua hŏk păng Kŏng ngê̆ (hơmet ming) păng Tơchơ̆t ming man trong gre treng kơdâu renh Tu – Pơbah.

Thủ tướng ră hơdah, ‘nguaih kơ tơdrong lăng tơgĭt gah kơsô̆, jang tom trŏ tơchơ̆t, kăl tơrĕk tơgĭt gah tơdrong kơjăp ‘lơ̆ng chih akŏm dôm hla bar pơkăp gah luơ̆t; lơ̆m noh, Thủ tướng tơrĕk kăp gĭt gah asong jăl pơgơ̆r, yak hadoi hăm asong bơngai jang, hơtŏk tơdrong jang tơnăp đơ̆ng bơngai jang po,  akŏm tơmam drăm jang hơlen; tang găn păng tơjră xa pơjĭp lơ̆m tơdrong pơm kiơ̆ pơkăp đơ̆ng luơ̆t teh đak. Thủ tướng pơkăl, athei lăng tơgĭt gah pơm hiôk hla bar hanh chĭn, pơtôch lê̆ tơdrong “apinh-ăn”, tơjur ƀiơ̆ tơsŭl tơsăl ăn dôm anih jang, kon pơlei, anih jang mŭk drăm, mă kăl noh jên jang athei pơm kiơ̆ dôm pơkăl hla bar hanh chĭn kiơ̆ tơplih hanh chĭn mă Jơnŭm pơgơ̆r teh đak hơnơ̆ng pơgơ̆r hop akŏm rim jăl jang.