Tơ̆ Hop akŏm, Thủ tướng Teh đak Phạm Minh Chính tơbăt akhan, tơdrong pơm pơkeh khôi luơ̆t pơting dih băl, pôk hơpăh păng tơlĕch ăn roim hla bơar tơchơ̆t khôi luơ̆t sơkơ̆t hơdăh Khôi luơ̆t Pơting dih băl, pôk hơpăh hlôi đei lăng ba kơjăp; dĭng truh dang ei hlôi jang keh đang, pơjing rơvơn ăn tơlĕch jang kiơ̆ Khôi luơ̆t Pơting dih băl, pôk hơpăh tơ̆ rim hơnih tơm, hơnih jang, tơring. Thủ tướng Phạm Minh Chính athei atŭm hăm jang ‘lơ̆ng bơ̆ jang pôk hơpăh kăl lang să rim tơdrong jang, pơm hơtŏk jơhngơ̆m đon hưch hanh vang iung jang đơ̆ng pơ đĭ hơdrĕch hơdrung, pơjing đei hơyak pran ăn pơđĭ hơdrĕch hơdrung hưch hanh hơmanh bơnê, lui yom lơ̆m chăl ‘nao, chăl atŏk tơ iung pơdrŏng, hơnŭk hơnoa kơ hơdrĕch hơdrung.