Dêh char athei akŏm dăr hơlen ‘noh jĭ dôm tơdrong jang tơmơ̆t jên jang teh đak găh trong tơlĕch jang păh lăp khei ‘năr đơ̆ng sơnăm 2021-2025, trong tơlĕch jang sơnăm 2025 kŭm nhen dôm tơdrong jang pơtăl dơ̆ng.

Vă tŭn hrĕnh păng vei sơđơ̆ng tơdrong bơ̆jang hơnơ̆ng dơ̆ng lơ̆m vei lăng, Anih vei lăng kon pơlei dêh char Gia Lai hlôi athei dôm anih jang, tơring athei klăih song rơđăh hơnăp jang, hơmet pơ ‘lơ̆ng dôm tơdrong tơhlăk đei ƀôh. Hăm dôm tơdrong jang ming man păng anih bơ̆jang đei ƀơm ưh kơ ‘lơ̆ng yua đơ̆ng proh hơmet dơ̆ng khŭl jang, dôm anih jang kăl kơ dăr hơlen, athei hơmet ming mă lăp vă vei sơđơ̆ng đei yua, ‘mơ ‘met jên, veh ver kơ brăh brư jên jang.