Tơdrong jang tơƀôh 1 hơyak năm ‘nao lơ̆m khei ‘năr Việt Nam păng Liên bang Nga tŏk bŏk pơih să jang hơdai tôm tơdrong lơ̆m lơ tơdrong jang, mă loi ‘noh jĭ mŭk drăm, tĕch mơdro, joh ayŏ păng tơƀơ̆p pơma dơnuh đơ̆ng kon pơlei.

Tơdrong pơgơ̆r dơ̆ng trong păr tơpăt đơ̆ng Hà Nội păng Moscow ưh khan lăp tơgop pơtrŭt pơma dơnuh tĕch mơdro păng hơtŏk tơiung tơmang lăng, mă oei tơƀôh nơ̆r pơkăp đunh đai lơ̆m tơdrong hơtŏk loi dơ̆ng tơgoăt tơdrong jang gĭt kăl đơ̆ng 2 teh đak. Tơchĕng hơdrol, lơ̆m jơ năr pơgơ̆r Hop akŏm Bơngai mơdro sa Việt Nam – Liên bang Nga pơgơ̆r tơ̆ Moscow lơ̆m ‘năr 11/5, Vietnam Airlines gô kĭ pơkăp Hla ar chih tơƀlŏk jang hơdai hăm 4 anih jang tơmang lăng tih hloh kơ Nga. Hrei ‘nâu, Vietnam Airlines pơgơ̆r trong păr Hà Nội – Moscow hăm kơsô̆ 2 ‘măng 1 giĕng lơ̆m năr Ƀar păng năr Puăn./.