Tơ̆ jăl trong kơhrĕng kây sô̆, kon pơlei sa roi hiôk chơt mư̆h khŭl kanh sat vei lăng trong gre tơgŭm ăn đak nhă, soe sơngiĕo, ƀĕng mi. Trong glung 14 jăl trong găn hlŏh dêh char Đak Lăk păng Đak Nông dôm năr hloi gre kơdau mơsuơ̆t mơsoăt yak năm tơ̆ rim dêh char găh Pơbăh nhen Đồng Nai, Bình Dương, Pơlei tơm Hồ Chí Minh... vă jang sa. 

Thiếu tá Nguyễn Thành Tâm, Kơ iĕng Khŭl Kanh sat vei lăng trong gre nơnăm kơsô̆ 1, găh Dơnŏ anih Kanh sat vei lăng Trong gre kơ Kŏng ang dêh char Đak Nông tơbăt, ƀơk ăn đak nhă, ƀĕng mi, ƀum iĕ ‘nŏh minh lơ̆m dôm tơdrong jang kơ kơ hơnĭh au mư̆h tơlĕch tơdrong jang yak hơdoi hăm dôm bơngai rok trong lơ̆m khei ‘năr Têt Quý Mão sơnăm 2023 hăm hơpơi ‘mĕh tơgŭm ăn kon pơlei yak tơ̆ trong sơđơ̆ng ‘lơ̆ng hơ iă.