Khei tŏ phang dêh hlŏh păng đon hli pơngơ̆t unh xa kơtao tơ̆ Gia Lai
Thứ tư, 13:58, 13/03/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Kon pơlei jang chŭn mir Gia Lai oei mât lơ̆m pơyan kŏh kơtao sơnăm 2023 - 2024. Hơiă yoa kơtao sơnăm ‘nâu ‘lơ̆ng, đei kơjă, mă lei kon pơlei kŭm tôch tơtăm yoa tơdrong krê kơ unh xa kơtao mưh ‘năr tŏ hang pơdui đunh.
Vă jê̆ 1 khei ‘nâu, tơ̆ dôm tơring găh Hơlĕch dêh char Gia Lai hơnơ̆ng đei unh xa kơtao. Đĭ đei vă jê̆ 20 ha kơtao unh xa tơ̆ dôm apŭng Kông Chro, Đăk Pơ, Kbang păng thĭ xăh An Khê. Tơring pơtăm kơtao găh Hơlĕch dêh char Gia Lai xă 30.000 ha.
Truh dang ei, kon pơlei đĭ kŏh iŏk dang 65% teh pơtăm kơtao tơ̆ tơring păng tơchĕng adrol gô kŏh đang đĭ ƀât hơtuch khei 4 truh. Ƀok Nguyễn Hoàng Phước, Phŏ Kơdră Hnam kơmăy rol kơtao pơm sĭk An Khê ăn tơbăt, hnam kơmăy pơgơ̆r lơ ‘măng hôp hăm dôm tơring, unh hnam pơtăm kơtao, vang kơchăng tơlĕch lơ trong tang găn unh xa kơtao lơ̆m khei ‘năr tŏ phang hrei ‘nâu.
Viết bình luận