Lơ̆m tơdrong kŭp yom grasia, rim bơngai tang măt hlôi plang hlôt nhang hăm đe linh lôch plang ăn teh đak, dôm bơngai kon gơh hơgei kơ pơlei pơla Khánh Hoà hlôi iung tơblah nuih mơng kơyuơ tơdrong rơngei hiôk hian kơ teh đak.

Tơ̆ anih soi ƀlŏk kơ “Ƀok dơnơm Trần” păng rim đe linh nuih mơng lôch plang, Jơnŭm pơgơ̆r Tơdrong joh ayŏ “Pran kơtang pơdrŏng đơ̆ng đak dơsĭ pơlei pơla” păng rim bơngai tang măt sơkơ̆t hơnơ̆ng iŏk jang kiơ̆ juăt jue 'lơ̆ng rŏ kơ hơdrung hơdrĕch Việt Nam. Hơnơ̆ng tơguăt tơguăl, hơbĕch hơbal, găn hloh rim tơdrong tơnap tap vă jang đei jơnei rim sơnong jang; tơgop hơtŏk đon bơnôh kăp gĭt khŏm mă vei vêr kơjăp tơdrong pơgơ̆r đak dơsĭ, achon teh grasia kơ teh đak; tơbang hơdăh đon bơnôh hơtŏk mŭk drăm đak dơsĭ achon teh. Sơkơ̆t hơdah “Việt Nam 'noh teh đak dơsĭ”, hăm hơpơi 'meh, pran kơtang đơ̆ng dơsĭ, pơm pơdrŏng đơ̆ng dơsĭ păng vei sơđơ̆ng hơtŏk kơjăp mŭk drăm dơsĭ.