Sáng 28/7, Khul bơ̆ jang Dăr lăng kơsô̆ 892 kơ Ban Bí thư kơ yuơ Bí thư Trung ương Đảng, Kơ iĕng Thủ tướng Teh đak Lê Minh Khái pơm kơdră Khul hlôi bơ̆ jang hăm Khul kơdră chĕp pơgơ̆r Đảng dêh char Đak Lăk vă tơbăt hơdăh tơdrong tơchơ̆t pơjing Khul jang dăr lăng păng trong vă jang dăr lăng đơ̆ng Ban Bí thư sơnăm 2023 hăm Khul kơdră chĕp pơgơ̆r Đảng dêh char Đak Lăk.

Tơdrong vă dăr lăng ‘nŏh dăr lăng tơdrong pơgơ̆r, jang kiơ̆ Nơ̆r pơma pơtôch kơsô̆ 21-KL/TW, năr 25/10/2021 đơ̆ng Ban Chấp hành Trung ương găh atŏk kơtang tơ iung pơjing, hơmet ming Đảng păng khul jang chinh trĭ; kơrŭn đĭ jơhngơm tang găn, tơpŭh hŭt, xek tơlang kơhret rim kang ƀô̆, đảng viên đei jơhngơ̆m đon ưh kơ ‘lơ̆ng găh tơdrong chinh trĭ, oei sa, jơhngơ̆m đon hul hơl au to. Akŏm lơ̆m atŏk kơtang iung tơjră tang găn sa pơgơ̆m pơjĭp, pơhoach brăh brư, ưh ‘lơ̆ng hơ iă…Kơ iĕng Thủ tướng Lê Minh Khái athei rim bơngai lơ̆m khul iung jang dăr lăng kiơ̆ ƀlep tơdrong tơchơ̆t, ƀlep hăm jơhngơ̆m đon ‘lơ̆ng, tơpăt, ưh kơ pơm kơnê̆ truh tơdrong bơ̆ jang au to kơ Khul kơdră chĕp pơgơ̆r Đảng dêh char păng rim hơnih bơ̆ jang ƀơm truh.