Thựợng tướng Huỳnh Chiến Thắng, Kơ iĕng Kơdră pơchoh trong Khul Ƀô̆ đô̆i kon pơlei Việt Nam pơm tơm Khul bơ̆ jang Hơnih tơm Ƀô̆ đô̆i vei lăng sơlam teh đak, hlôi năm truh dăr lăng tơ̆ hơnih mă mĭnh khul bơngai chĕp phao kơtoang tơblăh tơdrŭt tơ̆ Hơnih bơ̆ jang vei lăng kon pơlei tơring Ea Tiêu păng tơring Ea Ktur, apŭng Cư Kuin.

Thượng tướng Huỳnh Chiến Thắng atŭm hăm Khul bơ̆ jang hlôi hơlêm rim khul ƀô̆ đô̆i kŏng ang bơ̆ jang gak lăng, vei lăng năng tông hơnih tơdrŭt tơ̆ ƀar tơring Ea Tiêu păng Ea Ktur, adoi athei khul ƀô̆ đô̆i kŏng ang, dân quân tư̆ vê̆, kơdră chĕp pơgơ̆r tơring hơnơ̆ng atŏk jơhngơ̆m đon kơchăng, vei kơjăp sơđơ̆ng dơ̆ng kơjăp ăn kon pơlei.

Jei lơ̆m năr 12/6, mĭnh khul bơ̆ jang kơ yuơ Thượng tướng Lương Tam Quang, Kơ iĕng Kơdră chĕp pơgơ̆r Hơnih tơm Kŏng ang hlôi năm ngôi, apĭnh jet gia pơma dơnuh, tơbăt jơhngơ̆m đon vang ơh sơ ‘ngon, hơlêm ŭnh hnam rim bơngai lôch răm, rơka lơ̆m ‘măng mĭnh khul đei phao kơtoang tơblăh tơdrŭt hơnih bơ̆ jang vei lăng kon pơlei tơring Ea Tiêu păng tơring Ea Ktur, apŭng Cư Kuin (dêh char Đăk Lăk).