Pơma tơ̆ jơ bơ̆jang, ƀok Nguyễn Xuân Thắng lăng ‘lơ̆ng dôm tơdrong hơdrin păng jơnei iŏk đei đơ̆ng Đảng bộ păng kon pơlei dêh char Quảng Ninh. Anih jang Đảng dêh char Quảng Ninh hlôi pơgơ̆r bơ̆jang kiơ̆ đei yua, iŏk yua pơcheh hơgei dôm trong jang, tơdrong tơgŭm đơ̆ng Đảng păng teh đak, kơdră chĕp kơ̆l păng kon pơlei tơring iŏk đei lơ jơnei ‘lơ̆ng.

Hăm Khŭl hơlen lăng kơ Khŭl chih hơmet hla ar kăl ‘noh tơroi tơbăt đơ̆ng Quảng Ninh pơm hơlen, lăng kiơ̆ tơdrong jang đơ̆ng khŭl. Mă lei tơdrong gĭt kăl hloh ‘noh jĭ mưh pơtôch iŏk đei dôm tơdrong tơ̆ tơdrong jang, ƀai hŏk, đei dôm ƀai hŏk gĭt kăl. Khŭl bơ̆jang chih iŏk păng akŏm dôm nơ̆r tơgop đơ̆ng dêh char vă tơroi tơbăt ăn Khŭl chih hơmet hla ar kăl Hop akŏm XIV kơ Đảng.